ილიას სახელმწიფო უნივერსიტეტის კონსტიტუციური კვლევების ცენტრმა მიმდინარე წლის 24 აპრილს, წიგნის მაღაზია ლიგამუსში გამართა საჯარო დისკუსია თამაზე  –  ”ეთნიკური უმცირესობები საქართველოში”.

აღნიშნული შეხვედრის ფარგლებში, კონსტიტციური კვლევების ცენტრის მკვლევარმა – გიორგი მუმლაძემ წარადგინა პრეზენტაცია – ”ეთნიკური უმცირესობები პირველ რესპუბლიკაში (1918-21 წლის მდგომარეობით)”,  ხოლო თანამედროვე ვითარებაზე მოხსენება გააკეთა მედიის განვითარების ფონდის გამგეობის თავმჯდომარემ – თამარ კინწურაშვილმა.

შეხვედრის მომდევნო ეტაპი დისკუსიის ფორმატში წარიმართა, სადაც დამსწრე აუდიტორიას საშუალება ჰქონდა, მომხსენებელთაგან მისთვის საინტერესო შეკითხვებზე პასუხები მიეღო.

მიმდინარე სემესტრის დასრულებამდე, კონსტიტუციური კვლევების ცენტრი კიდევ ოთხი ლექციის ჩატარებას გეგმავს ადამიანის უფლებებისა და საკონსტიტუციო რეფორმის საკითხებზე.