სალექციო კურსი: “კონსტიტუცია და დემოკრატია”
ილიას სახელმწიფო უნივერსიტეტის კონსტიტუციური კვლევების ცენტრი, დაინტერესებული სტუდენტებისთვის, აცხადებს მიღებას სალექციო კურსზე:
“კონსტიტუცია და დემოკრატია”
სალექციო კურსის მონაწილეებს საშუალება ექნებათ, შეხვდნენ ცნობილ იურისტებსა და პოლიტოლოგებს და გაიღრმავონ ცოდნა კონსტიტუციონალიზმის სფეროში.
სალექციო კურსი შეეხება შემდეგ თემებს:
1. კონსტიტუციის მნიშვნელობა დემოკრატიის განვითარებისთვის
2. კონსტიტუცია და დემოკრატიული კონსოლიდაცია
3. კონსტიტუცია და დემოკრატიული ტრანზიცია
4. ხელისუფლების დანაწილება და დემოკრატია
5. პოლიტიკური პარტიები, დემოკრატია და კონსტიტუცია
6. კონსტიტუციური კონტროლი: კონფლიქტი დემოკრატიის პრინციპებთან
სალექციო პროგრამაზე დაშვების წინაპირობები:
პროგრამაში მონაწილეთა შერჩევისას, უპირატესობა მიენიჭებათ ილიას სახელმწიფო უნივერსიტეტის სტუდენტებს, თუმცა, ასევე, განვიხილავთ სხვა უნივერსიტეტების სტუდენტებისგან წარმოდგენილ განაცხადებს.
სულ შეირჩევა 30 მონაწილე.
პროცედურული საკითხები:
- პროგრამის ხანგრძლივობა: 6 კვირა
- ყოველ კვირას გაიმართება ერთი ლექცია. ხანგრძლივობა: 1.5 სთ
- პროგრამის დაწყების თარიღი: 29 ნოემბერი
- ლექციების ჩატარების დრო: 18:30 სთ
- ლექციების ჩატარების ადგილი: წინასწარ ეცნობებათ მონაწილეებს
- სწავლების ენა: ქართული
სალექციო პროგრამის დამთავრების შემდეგ გაიცემა კონსტიტუციური კვლევების ცენტრის სერთიფიკატი.
სალექციო პროგრამაში მონაწილეობის მსურველთა საყურადღებოდ:
სალექციო პროგრამაში მონაწილეობის მიღების მსურველებმა უნდა გაიარონ შერჩევითი ეტაპი, რომლის წარმატებით დაძლევის შემთხვევაში გაწევრიანდებიან სალექციო ჯგუფში.
დაინტერესებულმა სტუდენტებმა გამოაგზავნეთ თქვენი CV და სამოტივაციო წერილი (300-დან 500 სიტყვამდე), შემდეგ მისამართზე: info@conlaw.iliauni.edu.ge
განცხადებების მიღების ბოლო ვადაა 20 ნოემბერი.
ილიას სახელმწიფო უნივერსიტეტის
კონსტიტუციური კვლევების ცენტრი,
მისამართი: თბილისი 0162, საქართველო,
ქაქუცა ჩოლოყაშვილის გამზირი 3/5,
საკონტაქტო პირი: ნინო ჭელიძე, დირექტორის ასისტენტი.
